Aikido er japanskt sjálfsvarnarform sem var þróað á 20. öldinni af Ueshiba Morihei og er nokkuð skylt judo og jiu-jitsu. Líkt og í judo er mikið um köst og hvers kyns lása en þó aldrei neitt sem byggir á beinum líkamsstyrk. Ólíkt flestum sjálfsvarnaríþróttum hefur aikido ekki verið þróað sem keppnisíþrótt. Mikil áhersla er lögð á andlega uppbyggingu. Eðli aikido er þannig að allir geta æft saman óháð kyni, aldri, styrkleika og þyngdarflokkum. Í aikido er öll áhersla lögð á að verjast árásum með því að beina krafti andstæðings frá sér í stað þess að reyna að mæta krafti með krafti. Í aikido er áhersla lögð á að æfingafélagar vinni saman að því að bæta sig í stað þess að keppa að árangri á kostnað annara.

Hluti af aikido eru æfingar með vopnum, þá er æft með bokken (trésverði), jo (tréstaf) eða tanto (tréhníf). Allar æfingar eru staðlaðar, þ.e. fyrirfram ákveðnar í nokkurs konar kataformi. Ýmist er um einstaklingæfingar (suburi) að ræða eða paraæfingar (awase, kumitachi og kumijo). Einnig eru æfingar þar sem annar æfingafélaginn er með vopn en hinn ekki.


Æfingatímar:
Þriðjudagar frá 21:00-22:30
Fimmtudaga 20:00-22:30
Laugardagar frá 14:00-16:00

Kennarar eru:

Anna María Cornette
shodan
Jóhann Páll Kristbjörnsson
shodan

---

Skrá í AKIDO